Sual:
İmam Baqirdən (ə) belə bir rəvayət eşitmişik:
“Küfə ətrafından Qaimin (yəni İmam Məhdinin) (ə.f) Süfyaniyə (Allahın lənəti olsun ona) tərəf gəlmə xəbəri çatanda, o, atından düşəcək və Qaimin (ə.f) qarşısına çıxıb belə deyəcək:
“Məni əmim oğluna tərəf aparın.“
İmam Məhdi də (ə.f) Süfyani (l.a) ilə danışdıqdan sonra Süfyani (l.a) ona beyət edəcək.”
• Bu rəvayət nə dərəcədə səhihdir? Həqiqətən Əhli-beytdən (ə) belə bir rəvayət varmı?
• Süfyaninin (l.a) “əmim oğlu” deməsindən məqsədi nədir?
• “Əmim oğlu” sözündən belə bir nəticə çıxara bilərikmi, Küfəlilər arasında Süfyani (l.a) əsli-nəsəb baxımından ən düzgün nəsəbə malik olan seyyiddir, yoxsa necə “əmim oğlu” deyə bilər axı?
• Həqiqətənmi Süfyani (l.a) İmam Mehdiyə (ə.f) beyət edəcək?
Cavab:
1. Dediyiniz bu rəvayəti Əllamə Məclisi (r.a) Şeyx Tusinin (r.a) “Əl ğeybə” kitabından nəql edir. Rəvayət İmam Baqirdən (ə) nəql edilibdir. Hədisin sənədi isə zəifdir. Hədisin sənədində olan zəifliyə baxmayaraq müəyyən izah vermək mümkündür.
2. Süfyaninin (l.a) əsli-nəsəbi Bəni Üməyyədən olan Əbu Süfyana (l.a) söykənir.
🔸 İmam Səccad (ə) buyurur:
“Lənətlənmiş Süfyani quru bir vadidən aşkara çıxacaq. O, Utbə ibn Süfyaninin övladlarındandır.”
Şeyx Tusi “Əl ğeybə” səh.444
3. “Əmim oğlu” deməsi isə buna görədir ki, Bəni Üməyyənin (l.a) əsli-nəsəbi Peyğəmbərin (s) 3-cü babası Əbdu Mənaf ibn Quseydə birləşir. Əbdu Mənafın 4 övladı var idi. Onlardan birinin adı Əmr idi, ləqəbi isə Haşim. Digər övladının adı Əbdu Şəms idi. Əməvilərin əsli-nəsəbi Əbdu Şəmsə nisbət verilir.
4. Bəzi rəvayətlərdə gəlibdir ki, Süfyani (l.a) İmam Məhdiyə (ə.f) beyət edəcək. Lakin rəvayətlər bunu bildirir ki, onun bu beyəti müvəqqəti olacaq. Daha sonra İmam Məhdiyə (ə.f) qarşı çıxacaq və əsir düşəcək. İmam da (ə.f) onun boynunu vuracaq. Bu haqda məlumat Təfsirul Əyyaşi kitabının 2-ci cild 60-cı səhifəsində rəvayətlərdə qeyd edilibdir.
Vəlhəmdulilləh
www.imamzaman.az
! Sayta dair materiallar istifadə edildikdə istinad zəruridir.