1. Əbdüləzim Həsəni İmam Cavaddan (ə), o da öz məsum ata-babalarından (ə) Möminlərin əmiri Əlinin (ə) belə buyurduğunu nəql edir: “Bizim Qaimin (ə) qeyb dövrü çox uzun çəkəcək. Sanki şiələrin qeyb dövründəkini halını görür kimiyəm. Onlar yaşıl otlaq dalınca gəzən sürü kimi gah o tərəfə, gah bu tərəfə gedirlər, amma heçnə tapa bilmirlər. İmamın (ə) qeyb dövrünün uzun olmasına baxmayaraq, onlardan kim öz dinində sabit qalarsa, Qiyamət günün mənimlə eyni dərəcədə olacaq”.
Kəmalud-din, s.303
2. Abdullah ibn Əbu Üqbə Möminlərin əmiri Əlidən (ə) belə nəql edir: “Ey şiələr! Sanki qeyb dövründə sizə otlaq axtaran dəvələr kimi o yana – bu yana getdiyinizi və onu tapmadığınızı görür kimiyəm”.
Kəmalud-din, s.304
3. Məsədədən belə nəql olunur: “İmam Sadiq (ə) moizələrinin birində belə buyurmuşdur: “Allaha and olsun, əgər dünyanın sonuna bir gün qalsa belə, Allah-təala həmin günü bir Əhli-Beytin Qaimi (ə) zühur edəndə qədər uzadar, o günü sona yetirməz. Qaimin qeyb dövründə bizim şiələrimiz çaşqınlığa düşər, imtahan olunarlar. Həmin zamanda yalnız xalis iman sahibləri əqidələrində qalar. Allahım, onlara o gündə kömək ol”.
Kifayətul-əsər, s.260
4. Əbdürrəhman ibn Siyabə İmam Sadiqdən (ə) belə nəql edir: “Rəhbərsiz qaldığınız, sizə doğru yolu göstərən bələdçinizin olmadığı, bir-birinizdən üz döndərdiyiniz bir zamanda nə edəcəksiniz?! Ələkdən keçəcəyiniz, yaxşınızın pislərdən ayırd ediləcəyi gün həmin zamandır”.
Kəmalud-din, s.347
5. İmam Cavad (ə) buyurur: “O adı yaddaşlardan silindiyi və imamlığına etiqadı olanların etiqadından döndüyü vaxt zühur edəcək”.
Biharul-ənvar, 51/30, h.4
6. Yəman Təmmar İmam Sadiqdən (ə) belə nəql edir: “Sahibul-Əmrin (ə) qeybdə olduğu dövrdə dindar qalmaq istəyənlər məşəqqət və çətinliklərlə üzbəüz olacaqlar”. Sonra buyurdu: “Sahibul-Əmr (ə) qeybə çəkilən zamanda Allah bəndələri (öz dinlərini saxlamaq üçün) təqvalı olmalı və dinlərindən iki əlli möhkəm yapılmalıdırlar”.
İsbatul-hudat, 3/444, h.14
7. İmam Sadiq (ə) buyurur: “Mehdinin (ə) qeyb dövründə onun imamlığında sabitqədəm qalanlar qırmızı kibritdən də (nadir tapılandır) qiymətlidirlər”. Cabir ibn Abdullah ayağa duraraq soruşdu: “Ey Allahın rəsulu, övladın Mehdi qeybəmi çəkiləcək?” Buyurdu: “Bəli, Allaha and olsun, “Allah hökmən möminləri sınayacaq və kafirləri məhv edəcək”.
Ali-İmran, 141; İsbatul-hudat, 3/461, h.107
8. Əbdürrəhman ibn Səyyabə İmam Sadiqdən (ə) belə nəql edir: “Haqqa doğru hidayət edən imamınız qeybə çəkilərkən, bir qrup digərinə nifrət etdiyi bir zamanda neyləyəcəyiksiniz?! Həmin vaxt çətin sınaqlara çəkiləcəksiniz və əsl möminləriniz ikiüzlülərinizdən ayrılacaq. Günün əvvəlində rəvayətlər haqqında ixtilafa düşəcək sonunda bir-birinizi qıracaqsınız”.
İsbatul-hudat, 3/473, h.155
9. İshaq ibn Səd Əşəri İmam Əskəridən (ə) belə nəql edir: “Allaha and olsun, elə qeybə çəkiləcək ki, Allah-təalanın onun imamlığı yolunda möhkəmləndirdiyi və zühuru üçün dua etməyə müvəffəq etdiyi şəxslərdən başqa heç kim azğınlıqdan canını qurtara bilməyəcək” . Soruşdum ki, ey Allahın rəsulunun övladı, bu qeyb uzunmu çəkəcək? Buyurdu: “Bəli, Allaha and olsun. O qədər uzun çəkəcək ki, Allah-təalanın bizim rəhbərliyimiz haqda əhd-peyman aldığı, imanı qəlblərində sabitləşdirdiyi və Öz tərəfindən olan köməklə yardım etdiyi şəxslərdən savayı, ona etiqadlı olanların çoxu öz etiqadından dönəcək”.
İsbatul-hudat, 3/479, h.180
10. Cəfər ibn Vahab Bağdadi İmam Əskəridən (ə) belə nəql edir: “Bilin ki, oğlum elə bir qeybə çəkiləcək ki, Allah-təalanın büdrəmələrdən saxladığı şəxslərdən başqa hamı onun haqqında şəkk-şübhəyə, tərəddüdə düşəcək”.
İsbatul-hudat, 3/482, h.188
11. İmam Əksəri (ə) buyurur: “Bu oğlum məndən sonra haqqı dirçəltmək üçün qiyam edən imam olacaq. Əvvəlki ümmətlərin peyğəmbərlərinin uzun ömürlüyü və qeybinin uzunluğunda həyata keçənlər onun barəsində də həyata keçəcək. Belə ki, qeybinin uzunluğuna görə Allah-təalanın imanı qəlblərində əkdiyi və Öz tərəfindən olan köməklə yardım etdiyi şəxslərdən başqa heç kəs ona etiqaddada sabitqədəm qala bilməyəcək”.
İsbatul-hudat, 3/488, h.20
12. Müfəzzəl ibn Ömər İmam Sadiqdən (ə) belə nəql edir: “And olsun əsrə.” (Əsr, 1-3) ayəsi haqqında soruşduqda həzrət buyurdu: “əl-Əsr” (Qaimin zühur etdiyi əsrdir; “Həqiqətən də, insan ziyan içindədir”) bizim düşmənlərimizi ziyan içindədirlər; “İman gətirənlərdən …” (bizim nişanələrimizə; “saleh əməl edənlərdən…”) din qardaşları ilə bir olanlardan; “haqqa tövsiyyə edənlərdən…” (bir-birinə imamlığı tövsiyyə edənlərdən; “və səbrə tövsiyyə edənlərdən başqa”) yəni qeyb dövründə sabitqədəm qalmağa tövsiyyə edənlərdən başqa (hamı ziyan içindədir).
İsbatul-hudat, 3/492, h.236
13. Malik ibn Xümrə (ya da Həmzə) belə rəvayət edir: “Möminlərin əmiri Əli (ə) barmaqlarını bir-birinə keçirərək buyururdu: “Tərəfdarlarımız bu cür ixtilaflara düşdükləri zaman nə edəcəksiniz?! Dedim ki, ey Möminlərin əmiri, o zaman xeyir-bərəkət olmayacaq. Buyurdu: “Bütün xeyirlər elə həmin zamanda cəmləşmişdir, ey Malik! Bizim Qaimimiz (ə) həmin zamanda zühur edəcək…”
İsbatul-hudat, 3/537
www.imamzaman.az
Sayta dair materiallar istifadə edildikdə istinad zəruridir!