Böyük şiə alimi Şeyx ibn Şəhraşub (r.ə) buyurub: “İmamiyyə (ə) hədislərində Hidayət imamı (ə) üçün 50 əlamət qeyd etmişlər ki, onlar aşağıdakılardır.
العصمة،
1) Məsum (günahsız) olmalıdır.
والنصوص،
2) Nusus (möhkəm dəlilləri) olmalıdır.
وأن يكون أعلم الناس،
3) İnsanların ən elmlisi olmalıdır.
وأفصحهم،
4) Ən gözəl və düzgün danışan (natiq) olmalıdır.
وأحلمهم،
5) Helmdə (səbr, idrak və fərasət) ən üstün olmalıdır.
وأحكمهم،
6) Ən dəqiq hakim olmalıdır.
وأتقاهم،
7) Təqvada ən üstün şəxs olmalıdır.
وأشجعهم،
8) Şücaətdə ən üstün şəxs olmalıdır.
وأشرفهم،
9) Şərafətdə ən üstün şəxs olmalıdır.
وأنصحهم،
10) Nəsihət verməkdə ən üstün şəxs olmalıdır.
وأوفاهم،
11) Vəfalı olmaqda ən üstün şəxs olmalıdır.
وأصبرهم،
12) Səbr etməkdə ən üstün şəxs olmalıdır.
وأزهدهم،
13) Zahidlikdə ən üstün şəxs olmalıdır.
وأسخاهم،
14) Səxavətdə ən üstün şəxs olmalıdır.
وأعبدهم،
15) İbadətdə ən üstün şəxs olmalıdır.
وأشفقهم عليهم،
16) İnsanlara şəfqətdə ən üstün şəxs olmalıdır.
وأشدهم تواضعا لله،
17) Allah (c) üçün təvazödə ən şiddətli şəxs olmalıdır.
وأخذهم بما يأمر الله به،
18) Allahın (c) əmrinə itaətdə ən üstün şəxs olmalıdır.
وأكفهم عما ينهى عنه،
19) Allahın (c) qadağan etdiyi şeydən çəkinməkdə ən üstün şəxs olmalıdır.
وأولى الناس منهم بأنفسهم،
20) İnsanlara rəhbərlikdə onların özlərindən daha üstün olmalıdır. (Yəni, İmamın insanların şəxsi işlərinə müdaxilə etmək səlahiyyəti vardır)
ويولد مختونا
21) Sünnət olunmuş halda doğular.
ويكون مطهرا،
22) Pak olar.
ويلي ولادته ووفاته معصوم،
23) Doğumunda və ölümündə Məsum (ə) onun yanına gələr. (Yəni, ondan sonrakı İmam onun yanında olar)
وتكون الأموال تحت أمره،
24) (Yer üzərində olan bütün) Mal-mülk onun əmri altında olar.
ويرى من خلفه ومن بين يديه للفراسة الصادقة،
25) Düzgün fərasətlə həm ön tərəfi, həm də arxa tərəfi eyni anda görər.
ولا يكون له ظل لأنه مخلوق من نور الله،
26) Allahın (c) nurundan yarandığı üçün onun kölgəsi olmaz.
وكل من ولد منه يكون مؤمنا،
27) Onun oğlu mömin olar.
وإذا وقع على الأرض من بطن أمه وقع على راحته رافعا صوته بالشهادتين،
28) Anasının bətnindən yerin üzərinə rahat bir şəkildə yerə düşər və uca səslə kəlmeyi-şəhadət deyər.
ولا ينام قلبه،
29) Gözləri yatsa da, qəlbi yatmaz.
ويكون محدثا،
30) Mühəddəs (mələkləri eşidər və həmsöhbət) olar.
ويكون دعاؤه مستجابا،
31) Onun duası müstəcab (qəbul) olar.
ولا يرى له حدث لان الله تعالى وكل الأرض بابتلاع ما يخرج منه،
32) Allah (c) yeri müvəkkil etmişdir ki, imamdan xaric olan ifrazatı daxilinə çəksin və görülməsin.
ولا يحتلم،
33) Möhtəlim (cünub) olmaz.
ولا يتثاءب،
34) Əsnəməz.
ولا يتمطى،
35) Gərnəşməz.
وتكون رائحته أطيب من رائحة المسك،
36) Onun ətri müşk ətrindən daha gözəl olar.
ويكون صاحب الوصية الظاهرة،
37) Aşkar vəsiyyət sahibi olar.
ويكون له الدليل والمعجزة في خرق العادة واستجابة الدعوة
38) Fövqəladə möcüzəsi və qəbul olan duası olar.
وإخباره بالحوادث التي تظهر قبل حدوثها بعهد معهود من النبي ص،
39) Hz.Rəsulullahdan (s) alınmış əhd (elm) vasitəsilə hadisə olmamışdan qabaq ondan xəbərdar olar.
ويكون عنده سلاح رسول الله صلى الله عليه وآله وسيفه ذو الفقار،
40) Hz.Rəsulullahın (s) silahı və Zülfiqar qılıncı Onun (ə) yanında olar.
ويستوي عليه درعه،
41) Peyğəmbərin (s) zirehi Onun (ə) əyninə tam oturar.
ويكون عنده صحيفة فيها أسماء شيعتهم إلى يوم القيامة وصحيفة فيها أسماء أعدائهم إلى يوم القيامة،
42) Qiyamət gününə qədər olacaq şiələrin (r.ə) və düşmənlərin (l.ə) adları yazılan iki səhifə Onun (ə) yanında olar.
وعنده الجامعة وهي صحيفة طولها سبعون ذراعا فيها جميع ما يحتاج إليه ولد آدم إملاء رسول الله وخط أمير المؤمنين،
43) Hz.Rəsulullahın (s) imlası, Əmirəl-Mömininin (ə) xətti ilə yazılmış və Adəm (ə) övladlarının ehtiyacı olan hər bir şeyin olduğu yetmiş zira uzunluğunda olan “Camiə” səhifəsi Onun (ə) yanında olar.
ويكون عنده الجفر الأحمر وهو وعاء فيه سلاح رسول الله ولن يخرج حتى يخرج قائمنا ع،
44) Hz.Məhdiyə (ə) qədər ağzı açılmayan və içində Hz.Rəsulullahın (s) silahı olan “Qırmızı Cəfr” Onun (ə) yanında olar.
والجفر الأبيض وهو وعاء فيه توراة موسى وإنجيل عيسى وزبور داود وكتب الله المنزلة،
45) “Ağ Cifr” Onun yanında olar. Hansı ki, Tövrati-Musa (ə), İncili-İsa (ə) və Zəburi-Davud (ə) və Allahın digər nazil etdiyi kitablar onun içində olar.
ويكون له إلهام وسماع ونقر في الاسماع ونكت في القلوب، ويسمع الصوت مثل صوت السلسلة في الطشت
46) Bir teştə zəncir dəydikdə necə səs çıxararsa İmama da Allah tərəfindən ilham olunduqda elə bir səsi həm eşidər, həmçinin qəlbinə damar.
وربما تأتيه صورة أعظم من جبرئيل وميكائيل وإسرافيل،
47) Bəzən Cəbrail, Mikail və İsrafildən (ə) daha əzəmətli bir surət (Ruhul-quds) Onun (ə) yanına gələr.
وربما يعاين،
48) Bəzən həmin surəti görər.
ويخاطب
49) Və onunla danışar.
وقالوا: من صفات الامام المعرفة بجميع الاحكام. تقديم المفضول يوجب تناقض الأصول، من ثبت انتقاصه بطل اختصاصه.
50) Hidayət imamının (ə) sifətlərindən biri də budur ki, bütün hökmlərdən agah olar. O məqamdan aşağı olanı qabağa vermək (imam yerinə qoymaq) bu sayılan qaydaları sındırmağa səbəb olar. Və hər o şəxs ki, onda bu sadaladığımız əlamətlərdən naqislik olarsa, onun imamət məqamına məxsus olması batildir! (Yəni, imam ola bilməz!)
Mənaqibu-İbn Şəhraşub (r.ə); cild 1; səh.217/312