Salavatın sahibinə and olsun. Əgər bir şəxs bir dəstə adamla birlikdə, Qaim adını eşidərkən ayağa qalxıb ehtiram göstərsə, o Həzrət ona diqqət (təvəccöh) edər…
İmam Zaman əleyhissalamın ləqəbləri çoxdur. Onlardan biri də o ləqəbdir ki, ona məxsusdur və Aşura günü Allah tərəfindən ona verilib. O vaxt ki, Ömər Sədin qoşunu tüğyan edirdi, İmam Hüseyn əleyhissalam da çox böyük əziyyət və işgəncəyə düçar olmuşdu, dünya gözündə qaralmışdı, qəlbi haldan hala düşmüşdü. Onun bu yanğısı və fəğanı səmaları tutdu. Mələklər bir-birinə dəydi, dedilər:
İlahi! Görürsən Sənin vəlin ilə necə rəftar edirlər?
Xitab gəldi ki, baxın! Mələklər o guşəyə baxanda ayaqüstə durmuş nurani bir zill (kölgə) gördülər ki, Allaha ibadət edir. Və bu zaman xitab gəldi:
“Bihazal Qaimi əntəqim. Bu ayaqüstə olanla intiqamımı alacam! Qisas alacam və bu məzlumun məzlumluğunu aradan aparacam”.
O gün “Qaim” ləqəbi Həzrətə verildi və bu Onun məxsus ləqəblərindəndir. Bir para hədislərdən də bu vəzifə ilə mükəlləf olmuşuq ki, amma vacibi vəzifə yox, istihbabi (müstəhəb), Qaim ləqəbi gələndə ayağa duraq.
İmam Rza əleyhissalamın vaxtında, elə ki bu ləqəbi eşitdi, öz yerindən qalxdı, əlini ehtiramla başına qoyub salamladı. Biz ki, İmam Zaman əleyhissalamın şiələri və rəiyyətiyik, o Həzrətin çörəyini yeyirik, rəiyyətiyik ki, həqiqi padşahımız Odur, nökəriyik ki, həqiqi Ağamız Odur, şagirdiyik ki, həqiqi Müəllimimiz Odur, Onun övladlarıyıq ki, həqiqi Mənəvi Atamız odur. Biz daha haqqlıyıq, layiqik ki, bu ləqəbi eşidəndə bu ədəbə riayət edək. Mən əminəm ki, salavatın sahibinə and olsun ki, əgər bir nəfərdən ixlasla bu iş sadir ola, bir dəstə adama da yetişə, İmam Zaman əleyhissalam təvəccöh (diqqət) edər, elə gözünün qırağıynan o guşəyə nəzər yetirər, inayət edər, xoş o camaatın halına ki, İmam Zaman əleyhissalam gözünün kənarıynan o camaata baxar.
www.imamzaman.az
¡ Sayta dair materiallar istifadə edildikdə istinad zəruridir.