☀️ GÜNƏŞ OLMASA HƏYAT OLMAZ
Günəşin daxilində və səthində olan istiliklə, yer üzərində olan istilik arasında kəskin fərq vardır. Yəni Günəşin daxilində olan istiliyin öz faydası, səthində olan istiliyin öz faydası, yer üzünə qoyduğu istiliyin öz faydası və bulud arxasında olarsa ayrı bir faydası vardır. Deməli, bizim Günəşdən faydalanmağımız öz gücümüzün çatdığı və onu bildiyimiz qədərdir. Həmçinin bizim İmam Zamandan (ə.f) faydalanmağımız Onu (ə.f) tanımağımız və qabiliyyətimiz qədərdir. Necə ki, yer üzünün bir hissəsi Günəşdən bir cür faydalanır, digər hissəsi isə başqa cür faydalanır. Bəzi yerlər çox isti olur, bəzi yerlər sərin olur, bəzi yerlər isə soyuq olur. Bunun hər birinin özünə görə faydaları vardır. Bu faydaların necəliyi o yerlərin Günəşdən aldığı enerji qədərdir. Biz, İmam Zamanı (ə.f.) nə qədər tanısaq o qədər Ondan faydalanacayıq və o qədər Onun faydasını anlayacayıq. Onu tanımayanlar da Ondan (ə.f.) faydalanırlar, ancaq bunu bilmirlər. Necə ki, bulud arxasında olan Günəşdən faydalanırıq ancaq bunun Günəşdən olduğunu bilmirik.
♻️ Yer öz Rəbbinin nuru ilə işıqlanacaq, (əməllər yazılmış) kitab (hər kəsin qarşısına) qoyulacaq, peyğəmbərlər və şahidlər gətiriləcəkdir. Onların arasında ədalətlə hökm veriləcək və onlara haqsızlıq edilməyəcəkdir.
🪶 Zumər surəsi 69
🍃 İmam Sadiq (ə) buyurur:
“Qaimimiz qiyam edən zaman yer üzü O Həzrətin-Rəbbin nuru ilə işıqlanacaq, bəndələrin Günəşin işığına ehtiyacı qalmayacaq və zülmət aradan qalxacaq.”
🪶 İsna əşərə təfsiri, Hüseyn Hüseyni şah Əbdül Əzim, c.11, səh.270
🪶 Şeyx Müfid İrşad kitabı
🍃 İmam Sadiq (ə) bu ayənin təfsirində buyurur:
“Yer üzünün tərbiyə edəni İmam Zamandır (ə.f.), Həzrəti Məhdinin (ə.f.) nuru ilə insanlar Günəşin və Ayın nurundan ehtiyacsız olacaq.”
🪶 Nəcmus saqib, bab 2
Allah inşəallah İmam Zamanın (ə.f.) zühuru ilə buludları kənarlaşdırsın və biz Onun (ə.f.) nurlu simasından faydalanaq.
¡ Sayta dair materiallar istifadə edildikdə istinad zəruridir!