1. Həzrət Peyğəmbər (səlləllahu əleyhi və alihi və səlləm) səhabələrinə buyurmuşdur: “Siz mənim səhabələrimsiniz. Mənim qardaşlarım isə axırzamanda məni görmədən iman gətirənlərdir… Onların hər birinin öz imanında sabitqədəm qalması zülmət gecədə əli ilə traqakantın (buxurkolu) (həddindən artıq tikanlı bir kolun) tikanlarını üzü aşağı təmizləməkdən və ya əlində köz tutan şəxsin müqavimətindən daha çətindir. Onlar zülmət gecədə parlayan çıraqlardır. Allah onları azdırıcı fitnələrdən nicat verər”.
Biharul-ənvar, c.52, səh.153, hədis 5.
2. Həzrət Peyğəmbər (səlləllahu əleyhi və alihi və səlləm) buyurmuşdur: “And olsun məni haqq olaraq müjdə verib göndərənə, onun (Mehdinin) qeybdə olduğu dövrdə onun varlığına inananlar qırmızı kibritdən daha nadirdir”.
Kəmalud-din, səh.288, hədis 7
3. “Biharul-Ənvar” kitabında Həzrət Peyğəmbərdən (səlləllahu əleyhi və alihi və səlləm) belə nəql edilmişdir: “Sizdən sonra elə adamlar gələcəklər ki, onlardan birinin əcri (savabı) sizin əlli nəfərinizin əcrinə (savabına) bərabər olacaq. “Səhabələr deyirlər ki, ya Rəsuləllah biz ki, səninlə Bədr, Ühüd, Hüneyndə iştirak etmişik, Quran bizim vaxtımızda nazil olub. Həzrət buyurur: “Onların başına gələcək işlər sizin başınıza gəlsəydi, siz onlar kimi səbr edə bilməzdiniz”.
Biharul-ənvar, c.52, səh.130, hədis 26
4. İmam Zeynülabidin (əleyhissəlam) buyurmuşdur: “Bizim Qaimimizin qeybdə olduğu vaxtda bizim imamətimizdə sabitqədəm olanlara Allah-təala Bədr və Ühüd şəhidlərindən min şəhidin savabını verər”.
Biharul-ənvar, c.52, səh.125, hədis 13
5. Nomaninin “əl-Ğeybət” kitabında İmam Sadiqin (əleyhissəlam) belə buyurduğu nəql edilmişdir: “Bu işin (imamətin) sahibinin elə bir qeyb dövrü olacaq ki, onda dindar, insan əli ilə buxurkolu (həddindən artıq tikanlı bir kolun) tikanlarını üzü aşağı təmizləyən şəxs kimi olacaq”. İmam bir qədər susduqdan sonra əlavə etdi: “Bu işin (imamətin) sahibinin bir qeyb dövrü olacaq, onda bəndə Allahdan qorxmalı və öz dinindən möhkəm yapışmalıdır”.
Nomani, əl-Ğeybət, səh.169, hədis 11
www.imamzaman.az
¡ Sayta dair materiallar istifadə edildikdə istinad zəruridir.