1. Zürarə İmam Baqirdən (ə) belə nəql edir:
“İşin zirvəsi, açarı və hər şeyin qapısı Rəhman olan Allahın razılığı və tanıdıqdan sonra imama itaətdir. Allah-taala buyurur: “Peyğəmbərə itaət edən, şübhəsiz ki, Allaha itaət etmiş olur. Kim də üz çevirsə, axı Biz səni onlara nəzarətçi göndərmişik”.
Nisa, 80; Üsuli-Kafi, c. 1, hədis 475
2. Əbu Səbbah İmam Sadiqin (ə) belə buyurduğunu rəvayət edir:
“Şahidlik edirəm ki, Əli, Həsən, Hüseyn, Əli ibn Hüseyn və Muhəmməd ibn Əli (ə) Allahın itaət edilməsini vacib buyurduğu imamlardır”.
Üsuli-Kafi, c. 1, hədis 476
3. Həmmad ibn Osman Bəşir Əttardan İmam Sadiqin (ə) belə buyurduğunu nəql edir:
“Biz elə bir qövmük ki, Allah insanlara bizə itaət etmələrini vacib qərar vermişdir. Siz insanların bilmələri xüsusunda üzrlü qəbul edilməyəcək bir nəfərə itaət edirsiniz“.
Üsuli-Kafi, c. 1, hədis 477
4. Hüseyn ibn Muxtar bəzi səhabələrdən İmam Baqirin (ə) “Onlara böyük bir mülk verdik.” ayəsi barədə belə buyurduğunu nəql edir:
“İnsanların imamlara itaət etmələrinin vacib buyurulması nəzərdə tutulmuşdur”.
Nisa, 54
Üsuli-Kafi, c. 1, hədis 478
5. Əbu Həsən Əttar İmam Sadiqdən (ə) belə nəql edir: “Vəsiyyəti yerinə yetirənlər və peyğəmbərlər insanların itaət etmələri xüsusunda bir-birlərinə şərik edildilər”.
Üsuli-Kafi, c. 1, hədis 479
6. Əbu Səbbah Kinani İmam Sadiqin (ə) belə buyurduğunu rəvayət edir:
“Biz – Əhli-Beyt elə bir qövmük ki, Allah-taala insanlara bizə itaət etmələrini vacib buyurmuşdur. Bizə qənimətdən pay verilər və malın ən seçilmişi bizə ayrılar. Biz elmdə sağlam bəndələrik, qısqanılanlarıq. Bizim haqqımızda belə buyurulmuşdur: “Yoxsa onlar Allahın Öz mərhəmətindən insanlara bəxş etdiyi şeylere görə qısqanırlar?!
Nisa, 54;
Üsuli-Kafi, c. 1, hədis 480
7. Hüseyn ibn Əbüləla belə rəvayət edir:
“İmam Sadiqə (ə) bizim “vəsiyyəti yerinə yetirənlərə itaət etmək vacibdir” şəklindəki görüşümüzü xatırlatdım, belə buyurdu: “Bəli, vəsiyyəti yerinə yetirənlərə itaət etmək vacibdir. Allah-taala onların barəsində belə buyurmuşdur: “Allaha itaət edin, Onun rəsulu və sizdən olan ixtiyar sahiblərinə itaət edin! Onlar Allahın bu ifadələrlə işarə etdiyi kəslərdir:
“Sizin dostunuz yalnız Allah, Onun peyğəmbəri və iman gətirənlərdir”.
Nisa, 59
Maidə, 55; Üsuli-Kafi, c. 1, hədis 481
8. Müəmmar ibn Xəllad belə rəvayət edir:
“Bir nəfər fars İmam Hadidən (ə) soruşdu: “Sənə itaət etmək vacibdir?” İmam (ə) buyurdu: “Bəli”. Həmin şəxs soruşdu: “Əli ibn Əbu Talib (ə) itaət etmək kimidir?” İmam (ə) buyurdu: “Bəli!”
Üsuli-Kafi, c. 1, hədis 482
9. Əbu Bəsir belə rəvayət edir: “İmam Sadiqdən (ə) soruşdum: “İmamlar “əmr vermək” və “itaət edilmək” xüsusunda bərabər səviyyədə və eynidirlərmi?” İmam (ə) buyurdu: “Bəli”.
Üsuli-Kafi, c. 1, hədis 483
10. Muhəmməd ibn Zeyd Təbəri belə rəvayət edir: “Xorasanda İmam Rzanın (ə) başı üstündə dayanmışdım. Yanında Hişam oğulları qəbiləsindən adamlar var idi. Onların arasında Ishaq ibn Musa ibn İsa Abbasi də dayanmışdı. İmam Rza (ə) buyurdu: “Ey Ishaq! Eşitdiyimə görə, xalq “insanlar bizim kölələrimizdir” iddiasında olduğumu söyləyirlərmiş. Xeyr, Allah rəsuluna (s) olan qohumluğunuza and içirəm ki, belə bir şey söyləməmişəm. Atalarından və heç kimdən də atalarımın belə bir söz buyurduğunu eşitmədim. Lakin “insanlar itaət xüsusunda bizim kölələrimiz, dində bizim himayədarlıq etdiyimiz kəslərin yerindədirlər.” – söyləmişəm. Burada olanlar, olmayanlara da bu sözümü çatdırsınlar”.
Üsuli-Kafi, c. 1, hədis 484
11. Əbu Sələmə İmam Sadiqdən (ə) belə nəql edir: “Biz Allahın itaətimizi vacib buyurduğu şəxslərik. İnsanların bizi tanımaqdan başqa çarələri yoxdur. Onlar bizi tanımaqla üzrlü kimi qəbul edilməzlər. Bizi tanıyan mömin, bizi inkar edən isə kafirdir. Bizi tanımayan və inkar etməyən kəs, Allahın vacib qıldığı itaətimizə qayıdana qədər yolunu azmışdır. Əgər bu azğınlıqla ölərsə, onların haqqında Allah qərar verər”.
Üsuli-Kafi, c. 1, hədis 485
12. Muhəmməd ibn Füzeyl belə rəvayət edir:
“İmam Baqirdən (ə) insanı Allaha ən çox yaxınlaşdıran ibadətin nə olduğunu soruşdum, belə buyurdu: “İnsanı Allaha yaxınlaşdıran ən üstün ibadət Ona, Rəsuluna (s) və əmr sahiblərinə itaət etməkdir. Bizi sevmək iman, bizə nifrət etmək isə küfrdür”.
Üsuli-Kafi, c. 1, hədis 486
14. İsmail ibn Cabir belə rəvayət edir: “İmam Baqirə (ə) dedim: “Allaha ibadət etməkdə əsas götürdüyüm əqidəmi sizə bildirmək istəyirəm”. İmam (ə) buyurdu: “Bildir”. Mən dedim: “Allahdan başqa ilahın olmadığına, Onun tək və şəriksiz olduğuna, Muhəmmədin (s) Allahın qulu və rəsulu olduğuna şəhadət gətirirəm! Onun Allah dərgahından gətirdiyi dini təsdiq edirəm! Yenə şahidlik edirəm ki, Əli (ə) itaət edilməsi Allah tərəfindən vacib edilmiş imamdır. Əli ibn Hüseynə (ə) itaət edilməsi vacib buyurmuşdur. İndi sən də İmamsan, Allah sənə rəhmət etsin!” İmam (ə) buyurdu: “Bax, bu, Allahın və mələklərin dinidir”.
Üsuli-Kafi, c. 1, hədis 487
15. Əbu Ishaq Möminlərin əmiri Əlinin (ə) bəzi dostlarından belə nəql edir: “İmam Əli (ə) buyurdu:
“Bilin ki, alimin söhbəti, onun ədaləti və ona itaət etmək imandandır. Bununla Allaha qulluq edilir. Alimə itaət etmək yaxşılıqları qazandıran və pislikləri aradan aparan bir vasitə, möminlər üçün bir xeyir xəzinəsidir. Dünya həyatında onları ucaltdığı kimi, öldükdən sonra da onları gözəlləşdirər”.
Üsuli-Kafi, c. 1, hədis 488
16. Hüseyn ibn Əbüləla belə rəvayət edir: “İmam Sadiqdən (ə) soruşdum: “Vəsiyyəti yerinə yetirənlərə itaət vacibdirmi?” İmam (ə) buyurdu: “Bəli, onlar Allahın bu ifadələrinə layiq olanlardır. “Allaha itaət edin, Peyğəmbərə və sizdən olan ixtiyar sahiblərinə itaət edin”.
Onlar Allahın tanıtdırdığı kəslərdir.
Sizin dostunuz yalnız Allah, Onun Peyğəmbəri və iman gətirənlərdir. Onlar ki, ram olaraq namaz qılır, zəkat verirlər”.
Nisa, 59
Maidə, 55; Üsuli-Kafi, c. 1, hədis 490
17. Əbdüləla İmam Sadiqdən (ə) belə nəql edir: “Dinləyib,itaət etmək xeyrin qapılarıdır. Eşidib, itaət edənin əleyhinə və eşidib, asi çıxanın lehinə heç bir dəlil yoxdur. Müsəlmanların imamının Allahla görüşdüyü gün dəlillər və rəyləri qüsursuz olacaq. Necə ki, Allah-taala buyurmuşdur: “O gün Biz bütün insanları öz imamları ilə birlikdə çağıraçağıq”.
İsra, 71; Üsuli-Kafi, c. 1, hədis 491
¡Sayta dair materiallar istifadə edildikdə istinad zəruridir!